მუდამ ვიკვლევ წარმატების არსებობისა და წარუმატებლობის საკითხებს. უამრავი დასკვნა მაქვს გაკეთებული და ალბათ დიდ წილად თქვენც იცით რა მოქმედებს წარმატებაზე. 5 ძირითად პუნტს ჩამოვთვლი მხოლოდ...
ხედვა - რომელიც აუცილებლად უნდა იყოს პოზიტიური - პოზიტივში სულაც არ ვგულისხმობ რეალობას აცილებულ მეოცნებეობას:) - უბრალოდ უნდა შეგეძლოთ დაინახოთ გამოსავალი, 
ნაცვლად იმისა რომ ჩიხზე გააკეთოთ კონცენტრაცია. თუ გამოსავალს ვერ ხედავთ, უნდა ეძებოთ იგი სანამ არ მოძებნით და ზუსტად იცოდეთ, რომ ის არსებობს.წარსულისგან განთავისუფლება - აქ იგულისხმება იმ ადამიანების პატიება და იმ სიტუაციების განეიტრალება, რომელთა დამსახურებითაც ტკივილი და ზიანი მოგადგათ. ამის გარეშე არაფერი გამოვა, ამიტომ ჩათვალეთ რომ ეს წარმატების ხერხემალია.მიზნების ჩამოყალიბება სწორ ჭრილში - ანუ, მიზნების ჩამოყალიბებისას რამოდენიმე ამოცანა გვაქვს მოსაგვარებელი -1.გავარკვიოთ რეალურად რა გვინდა ჩვენ? ( ხშირად ჩვენ სხვისი მიზენებით ვცხოვრობთ, რომელიც საკუთარი გვგონია)
2.როგორ ჩამოვაყალიბოთ მიზნები ისე, რომ მათი რეალიზებისა და მოზიდვის პროცესი "ჩაირთოს".
ბორკილების მოხსნა - ეს ძალზე მნიშვნელოვანი პროცესია, რომელიც გულისხმობსსტერეოტიპებისაგან განთავისუფლებას,
მიჯაჭულობების მოხსნას,
"სხვისი აზრის" მნიშვნელოვნების დაქვეითებას - ერთ სიტყვით დინების საწინააღმდეგოდ ცურვა უნდა ისწავლოთ, რომ შემდგომ თქვენი დინება აღმოაჩინოთ:)
ეს მარტივი არ არის, მაგრამ არც შეუძლებელია:)
ამ პროცესის შემდეგ მოდის გარშემო მყოფი ადამიანების გადაფასება, "გაფილტვრა" და ახალი წრის ფორმირება, რომელიც შეესაბამება თქვენს ახალ ფასეულობებს:)ანუ, იმის თქმა მინდა, რომ თქვენს გარშემო არსებული საზოგადოება ან თქვენთან ერთად უნდა გაიზარდოს, ან თქვენ საერთო აღარაფერი გექნებათ.
ეს არის ძირითადი 5 პუნქტი. დაახლოვებით ნამცხვრის რეცეპტებში რომ წერია 
- თქვენ დაგჭირდებათ 200გრ. კარაქი, 3 ჭიქა შაქარი, 5 ჭიქა ფქვილი, 4 კვერცხი და ა.შ.
თუ ოდესმე მსგავსი რეცეპტით დაგიმზადებიათ ნამცხვარი ( ანუ დამატებითი ცოდნისა და ზემდგომი კომპეტენტური პირის გარეშე) გეცოდინებათ, რომ ნამცხვარი
არ გამოდის!!!!
ხშირად მსმენია, როგორ წუწუნებენ ახალბედა დიასახლისები და ჩივიან, რომ ვიღაცამ 'არასწორი" რეცეპტი მისცა ან ინტერნეტში "ცუდი" რეცეპტი გამოდეს:)
ჩემო ძვირფასებო ასე მარტივი რომ იყოს ეს ყველაფერი, როგორ გგონიათ მათ ვინც განათლებაში დროს და ფულს ხარჯავს, ვინც გამოცდილებას იძენს, ისინი მოცლილები არიან??????
რეალურად არსებობს 2 გზა:
1.იყოლიოთ პედაგოგი, მასწავლებელი, მენტორი - რომელიც თავის გამოცდილებას გაგიზიარებთ - ანუ სწავლის გზა! 
2.მოიკრიბოთ მოთმინება და მოემზადოთ, რომ მინიმუმ 10 ჯერ მოგიწევთ იმ ნამცხვრის რეცეპტის გამოყენება, სანამ თქვენი ნახელავი შეძლებს მიაღწიოს მოწოდების სიმაღლეს.:)))))და ისიც, მხოლოდ იმ შემთხვევაში, თუ ძალიან ნიჭიერი აღმოჩნდებით...
ახალი ველოსიპედის გამოგონების გზა!
კარგით, ნამცხვრის შემთხვევაში არც ისე რთულადაა საქმე - ბოლოს და ბოლოს მზას შეიძენთ, მაგრამ რაც შეეხება თქვენს წარმატებას, ეს ის პროდუქტია, რომელსაც ვერც ერთი "დელივერი სერვისი" ვერ მოგართმევთ და ვერც ამაზონიდან გამიწერთ და ვერც ვინმეს გააკეთებინებთ.დაიხედეთ ხელებზე! 
ის ამ ხელების შესაქმნელია:)
პატივისცემით ხათუნა მუზაშვილი
